Blogger Template by Blogcrowds.



Ao longo deste primeiro trimestre o alumnado de primeiro de ESO que forma parte do club de lectura Científico estivo lendo o libro “EXO: A bioloxía nunca fora tan sexy” da editorial La Galera.
Nel descríbese a historia de Ziggy Stardust, un rapaz adolescente pertencente ó planeta Krokus e que, tras gañar un concurso de ciencias, obtén como premio unha viaxe ao planeta Terra no cal terá que realizar unha misión secreta.
Durante a súa estancia neste planeta, Ziggy descubre que o ser humano está acabando co mesmo: contaminación, efecto invernadoiro, cambio climático,  eliminación da cuberta vexetal, exceso de capturas animais... pero tamén decátase de que hai avances que benefician a sociedade e que existen persoas como a súa amiga Eva que loitan para que a Terra sexa un lugar máis confortable para vivir.

Será capaz de completar a misión que tiña encomendada?

Durante as sesións nas que estivemos comentando diversos fragmentos do libro, o alumnado tamén puido descubrir termos tan descoñecidos para eles como clonación, alimentos transxénicos, xene, proxecto xenoma humano... debater sobre os mesmos así como realizar aportacións sobre o que eles coñecían ou tiñan curiosidade por saber.
Ademais, xa que Ziggy era un gran admirador de certos grupos de música que existían na Terra, algunha das sesións foi amenizada con documentos sonoros dos mesmos.
Para mostra, un botón (botóns que certamente eran descoñecidos polo alumnado):



Oliver Twist


No club de lecturas ilustradas fomos un paso máis alá este primeiro trimestre combinando a lectura deste libro que conta con varias ilustracións cos álbums ilustrados. Levounos moito tempo, debido precisamente ao tipo de alumnado que temos nun dos grupos, pero a lectura resultou satisfactoria. Hai que dicir que faciámola en voz alta e todos xuntos para facilitar o achegamento ao texto. Pero foi unha experiencia moi interesante que rematou co visionado da película para na última reunión falarmos das diferenzas que existen entre ler un libro e ver un filme. Algo novo para eles, posto que nunca viran unha película despois de ler o libro correspondente.
Por suposto, lemos a versión en lingua galega que esta editorial nos ofrece na súa colección "Cucaina".




Jordi Sierra introdúcenos nun mundo oculto, ese que ás veces non sabemos ou non queremos ver.

Esto y Eso

O club de lectura de poesía estivo a ler esta obra de Raúl Vacas para logo convertérense en poetas.


Aquí deitamos uns poucos dos resultados:

Llego a clase tarde
cojo los libros
y velo los niños.
La profesora me riñe
hago los ejercicios
y me como un bocadillo.              (Marcos Doval)

El frío invernal
yo metido en un berejenal
después de haber chocado
los pitufos me han multado
y aquí me encuentro yo
flipando con lo que me rodea
deseando ser absuelto
tras hacer algo que petardea            (Santomé)

En clase durmiendo
sueño con angelitos
ovejas, cabras y
corderitos, me despierto,
veo encerrados, ejercicios
y un profesor riñendo
a los niños                                       (Tomás Viana)


O primeiro libro que escollemos para ler no Club de Lectura Matemática este primeiro trimestre foi El diablo de los números, porque traballamos a Aritmética no primeiro trimestre dentro da programación oficial de 4º de ESO, e este libro está relacionado xa que fala de curiosidades dos números como tales. A lectura facémola entre todos e todas unha vez á semana, a medida que avanzamos imos realizando as oportunas explicacións.



A lectura deste mes con este álbum ilustrado serviu para sabermos algo máis sobre a Segunda Guerra Mundial, o nazismo e o Holocausto.

Un álbum absolutamente desolador pero que gustou porque Erika conta orgullosa a proeza dos seus pais por salvala, por iso cre que no ceo as estrelas son a imaxe da valentía dos seus pais.

O álbum está publicado por Kalandraka e conta coas impresionantes ilustracións de Roberto Innocenti e texto de Ruth Vander Zee.

Un recurso máis aprendermos mentres lemos!

Un dos éxitos de lectura do curso, un libro que chega ao corazón e que ligaremos co último libro do curso.





Rimas

O primeiro libro ao que se achegou o Club poético foron as Rimas de Bécquer. Logo de lelas, comprendelas e amalas, decidiron asolagar o Twitter da biblioteca cos seus versos. 




Algúns exemplos:


Escollín estes versos porque representan unha situación real e decepcionante:



Escogí esta porque me encantó y me llegó dentro desde el principio sin saber por que:

Escollín este poema porque é un dos que máis me chamou a atención e gustoume:


Escogí estos versos ya que a veces creemos conocer a personas que en realidad no conocemos:

A primeira lectura que abordamos foi esta obriña de teatro que adaptamos á nosa lingua, baseada na obra de Hugo Marcos, Mi mujer es el fontanero. Tentaremos combinar a lectura dos álbums ilustrados con obras curtas de teatro, para ir mellorando en comprensión lectora e axilidade.


Guernica

O primeiro álbum ilustrado que lemos cos dous clubs de lectura de alumnos de 1º de ESO e de 2º de FP Básica foi este Guernica publicado por Kalandraka que conta cun texto de Heliane Bernard e as ilsutracións de Olivier Charpentier.
O libro serviunos de base para falarmos da crueldade da Guerra Civil e introducir esta época histórica.





Primeiro libro escollido pola profesora Sara Castro para comezar o curso lector co seu club de lectura. Un libro que fala dun  enigma que, despois de catro anos sen se resolver, vaise ver sacudido por novas claves.






Despedímonos por este curso. Parecía mentira cando empezamos,  pero fomos quen de gozar e compartir  con moitas lecturas. Para todos nós era unha viaxe nova, e incluso sabemos que algúns pensaban que os alumnos de diversificación non eramos bos candidatos para esta viaxe.  Seguro que agora xa perderon ese prexuízo, somos tan lectores coma calquera e este club é a proba.
            Lemos e seguiremos lendo. Agora temos un criterio propio e ata nos atrevemos a recomendar lecturas: mirade na nosa bolsa de libros que seguro que temos algo para vós. Porque estas bolsas que hoxe portamos non son só unha obra de arte senón que achegan novas aventuras e desafíos para pasar o verán. Grazas aos rapaces de 1º da ESO polo magnífico traballo realizado decorándoas. Se queres unha, pasa pola nosa biblioteca: regálanse a todos os que buscamos libros emocionantes para o verán.
Pasade un bo verán acompañados sempre dunha boa lectura!

Seguindo o ronsel do curso, o club de lectura comandado por Hortensia Román quere recomendar as lecturas preferidas de cada un deles. Ademais das lecturas en común,  fixeron lecturas individuais que se transformaron en compartidas. Este foi o resultado deste terceiro trimestre lector:



Queremos felicitar a este alumnado e a súa profesora por tantas lecturas compartidas.



Durante o mes de maio lemos As viaxes de Gulliver do autor irlandés Jonathan Swift, na adaptación de Martin Jenkins, en Vicens Vivens. Antes de empezar a lectura buscamos información sobre o autor e o impacto desta obra no momento de publicación no seu tempo.  Esta actividade resultou especialmente interesante e enriquecedora xa que nos levou a discutir sobre a crenza tan estendida de que As Viaxes de Gulliver é unha lectura infantil.
            Coa lectura por partes descubrimos como  cada unha das catro viaxes que realiza Gulliver representa unha parte corrupta de Inglaterra e como o libro é unha critica ao goberno, á sociedade, á ciencia e á relixión . Nada máis actual e menos infantil! Lendo e comentando a novela, fomos vendo como o libro non é só unha historia dun xigante ou un ser diminuto como pensabamos a priori, chegando incluso a resultar unha lectura complicada por momentos. A dificultade para establecer o contexto histórico e social foi un dos problemas que fomos solucionando ao longo da lectura grazas á agradable prosa de Swift.
            Esta foi a última lectura en común do noso club e, como podedes ver na foto, decidimos  intercambiar os últimos pareceres sobre o libro ao redor duns  chocolates e zumes na cafetería do centro.


Apadriñando

Por vez primeira, o noso Club de Lectura pola Igualdade realizou esta actividade. E o resultado foi magnífico!  Achegámonos ao colexio de Prado para lles contar contos aos nenos e nenas de 1º e 2º. Estaba un día estupendo e ocupamos os diferentes espazos verdes dos que este colexio goza. 
Logo, o alumnado de 6º quixo homanexear esta visita cun teatro de sombras do conto "Orellas de bolboreta" que nos deixou pampos pola súa profesionalidade.
E aínda por riba, saímos na portada do Faro de Vigo ao día seguinte.




Esta novela  escrita pola autora taiwanesa Jenny Witterick  chegounos ao corazonciño máis tenro que todos temos.




 É a primeira novela desta escritora afincada en Canadá e esperamos que non sexa a derradeira.

A obra ten o drama do holocausto xudío como fondo, un tema moi tratado na literatura xa . Pero a historia que nos conta Witterick ten un toque diferente. A montaxe narrativa a catra voces  é un xogo de pezas que  hai  que ir encaixando e esa técnica propia dun puzzle  fai de gancho para o  lector.

O club de lectura  dalle un OK a esta deliciosa noveliña chea de coraxe e altruísmo.

“A min persoalmente  gustoume moito este libro porque nos demostra que aínda hai xente boa e xusta no mundo, xente que está disposta a poner en perigo a súa propia vida por salvar a dos demais” . Soledad Otero parece que o  ten claro.

A Sonia García parece que tamén lle tocou a fibra esta novela. “É unha fermosa historia chea de respecto, amor, compaixón, tristeza, bondade , coraxe e xenerosidade. Esta xoia de libro é máxico e con el daraste conta de que por moitos problemas que teñas na vida sempre pode haber xente cunha situación peor. . A min gustoume moito esta historia baseada en feitos reais porque os bos valores que esperas da xente na vida están todos neste libro”.

Tres estrelas  “meulibrín” para a obra de Witterick.

Neste enlace podes ver unha pequeña entrevista  coa autora  

Lazarillo de Tormes



De novo abordamos  a lectura dun clásico adaptado,  Lazarillo de Tormes, na editorial Vicens Vives. Como non podía ser doutra forma gustounos moito e resultounos fácil mergullarnos na súa lectura. Divertiunos a astucia do Lazarillo para enganar a algúns dos seus amos e roubarlles a comida. Moito menos divertido foi ver o triste mundo no que vivía o protagonistas, e como a súa curta idade tiña que andar loitando só contra as dificultades: fame, violencia… 
                Sempre acertaremos recomendando este clásico da nosa literatura.









Esta obra de teatro gustou e non gustou. O clube non se puxo de acordo.

O grupo dos NON:

Isabel Otero: “A trama é liosa , con moitas personaxes, e perdinme moito cando o lía”
Sole Otero: “Fácil de ler, pero non é un libro do meu gusto. Fáltalle sentimento “

Carmen López: “Lo que menos me ha gustado ha sido ese final tan abierto…”
 
O grupo dos SI

Sonia García: “Gustoume, aínda que ao principio fixen un lío de nomes na miña cabeza.  Cando avancei na lectura foime collendo e finalmente ata me pareceu unha historia bastante emotiva. O final aberto gustoume e fíxome reflexionar sobre o duro da posguerra”.

Laura Soengas: “É un libro que engancha e ten bastante toques de humor. Para min estivo xenial”.

Félix Estévez: “A min gustoume porque é emotivo e ten unha chispa de humor”


Quizais nunha carreira en bicicletas podamos desempatar… Imossssssssssssssssssssssssssssssssssssssssssssss

 




A obra foi levada ao cine por Jaime Chávarri nunha versión que non ten desperdicio. Bota unha ollada.


Neste clube,  literatura e cine van da man!

Publicacións máis recentes Publicacións máis antigas Inicio